Паходы з Guru Maps

Паход — выдатны спосаб падтрымліваць форму, пазбавіцца ад стрэсу і правесці больш часу на прыродзе. Якую б сцежку вы ні выбралі, патрэбныя асцярожнасць і надзейная карта, каб знайсці яе пачатак і не збіцца са шляху. Там, дзе няма мабільнай сувязі, незаменныя тапаграфічныя афлайн-карты Guru Maps.

Стыль карты для паходаў

Акрамя вектарных стыляў «Горад» і «Ровар», у Guru Maps ёсць стыль «Паход» для пешых падарожнікаў.

Ён створаны з улікам патрэб турыстаў і вылучае галоўныя звесткі пра сцежкі: адлегласць, працягласць і вышыню.

На такой карце зручна адзначаць славутасці, крыніцы пітной вады, кемпінгі і месцы начлегу, а таксама ацэньваць складанасць і праходнасць сцежкі.

Сеткі пешых і турыстычных маршрутаў

Стыль «Паход» паказвае вядомыя пешыя маршруты з OpenStreetMap.org:

• міжнародная сетка — далёкія шляхі праз некалькі краін, чырвоныя;
• нацыянальная сетка — важныя для краіны далёкія шляхі, чырвоныя;
• рэгіянальная сетка — значныя маршруты праз рэгіёны, фіялетавыя;
• мясцовая сетка — невялікія лакальныя маршруты, сінія.

На агульным маштабе маршруты паказваюцца суцэльнымі лініямі. Пры набліжэнні яны становяцца празрыстымі, а пасля ўзроўню 17 знікаюць. Розныя маршруты могуць перакрывацца і праходзіць па адной дарозе.

інфармацыя

Маршруты захоўваюцца ў межах спампаванай карты. Калі доўгі шлях пераходзіць з адной афлайн-карты на іншую, на мяжы трэба выбраць наступны ўчастак.

Пасля падарожжа маршрут лёгка выправіць дзякуючы непасрэднай спасылцы на OpenStreetMap.org.

Калі вядомага вам маршруту няма на карце або наяўны патрабуе абнаўлення, напішыце нам — мы падкажам, як яго дадаць: [email protected].

Складанасць пешых сцежак

Плануючы актыўнасць на прыродзе, заўсёды ўлічвайце складанасць: ад яе залежаць неабходныя навыкі і рыштунак. Пры пабудове пешага маршруту Guru Maps дазваляе задаць максімальную складанасць паводле шкалы SAC.

Налада знаходзіцца тут: «Налады» → «Навігацыя» → «Пешаход» → «Максімальная складанасць».

T1 — Паход. Простыя расчышчаныя і дагледжаныя сцежкі. Спецыяльны абутак і рыштунак не патрэбныя.

T2 — Горны паход. Добра пазначаная сцежка, месцамі стромкая. Рэкамендаваны турыстычны абутак, могуць спатрэбіцца палкі.

T3 — Складаны горны паход. Маркіроўка пераважна ёсць, але сама сцежка не ўсюды бачная. Патрэбныя добры абутак, уменне чытаць карту і базавы альпійскі досвед.

T4 — Альпійскі паход. Выразнай сцежкі можа не быць. Мясцовасць адкрытая, ёсць небяспека падзення. Патрэбныя добрыя турыстычныя чаравікі, адзенне для любога надвор'я, уменне чытаць карту і базавы альпійскі досвед.

T5 — Складаны альпійскі паход. Часта без выразнай сцежкі, з нескладанымі ўчасткамі лазання. Трэба чакаць цяжкага рэльефу і заснежаных ледавікоў; могуць спатрэбіцца ледаруб і вяроўка.

T6 — Вельмі складаны альпійскі паход. Сцежкі звычайна не пазначаны. Надзвычай стромкі рэльеф, складаныя скальныя схілы і заснежаныя ледавікі патрабуюць вялікага альпійскага досведу і ўпэўненага карыстання тэхнічным рыштункам.

Калі вам патрэбна надзейная праграма для паходаў з падрабязнымі тапаграфічнымі картамі і функцыямі, якія працуюць афлайн, паспрабуйце Guru Maps. Плануйце і наладжвайце маршруты паводле сваіх патрэб і шкалы SAC, каб наступная прыгода была бяспечнай і прыемнай.